Ymchwil Iechyd Menywod Cymru

Pam mae'n bwysig buddsoddi mewn iechyd menywod?

Mae diffyg ymchwil ac adnoddau ym maes iechyd menywod yn broblem barhaus, ac mae’n arwain at ansawdd bywyd a deilliannau iechyd gwaeth i fenywod. O'u cymharu â dynion, mae menywod yng Nghymru yn fwy tebygol o ddioddef poen difrifol a byw llai o flynyddoedd iach, heb anabledd, er eu bod yn byw'n hirach na dynion. Mae potensial mawr i arloesi ym maes iechyd menywod. Fodd bynnag, nid yw'r potensial hwn yn cael ei wireddu gan nad oes digon o gyfleoedd a lle i bartneriaethau academaidd-diwydiannol gydweithio.

Sut y cyrhaeddon ni’r sefyllfa bresennol:

• Diffyg buddsoddiad parhaus mewn ymchwil iechyd menywod o'i gymharu â baich clefydau
• Diffyg cynrychiolaeth barhaus gan fenywod mewn treialon clinigol, cyfosodiadau tystiolaeth, gwerthusiadau economaidd
• Meysydd sy’n gorgyffwrdd lle mae menywod yn wynebu anghydraddoldeb parhaus (e.e. ethnigrwydd, anabledd, tlodi mewn gwaith)
• Canolfannau ymchwil yn ystyried iechyd menywod fel pwnc eilaidd yn barhaus
• Iechyd menywod yn cael ei ystyried yn barhaus naill ai fel pwnc sy’n ymwneud ag atgenhedlu yn unig neu fel pwnc eilaidd a llai pwysig mewn canolfannau ymchwil yn hytrach na fel hanfod y ganolfan ymchwil